WAKILI SHAMBWE SHITAMBALA AKIZUNGUMZA NA MTEJA WAKE KABLA YA KUANZA KWA KIKAO CHA MAHAKAMA KUU, KINACHOENDELEA KATIKA MAHAKAMA YA WILAYA YA MBOZI
MAHAKAMA KUU KANDA YA MBEYA IMEMHUKUMU MKAZI WA ITAKA WILAYANI MBOZI JUMAPILI
SILWIMBA KWENDA JELA MIAKA 10 KWA KOSA LA KUMUA BILA KUKUSUDIA MWANAKIJIJI MWENZAKE MAWAZO EDSON MWAMPULE.
AKITOA HUKUMU HIYO JAJI MFAWIDHI NOEL PETER CHOCHA AMESEMA, ADHABU HIZO
ZITUMIKE KAMA UBAO WA MAFUNZO KWA WANANCHI WA WILAYA ZA MBOZI NA MOMBA KUTOKANA
NA KUKITHIRI KWA VITENDO VYA MAUAJI KAMA VILE HAKUNA UTAWALA WA SHERIA
AKISOMA MAELEZO YA SHTAKA BAADA YA KUREKEBISHWA KUTOKA MAUAJI YA
KUKUSUDIA, WAKILI WA SERIKALI CATHERINE PAUL AMEKIAMBIA KIKAO CHA MAHAKA KUU
KINACHOENDELEA KWENYE UKUMBI WA MAHAKAMA YA WILAYA MBOZI KUWA MNAMO JANUARY 16
MWAKA 2009, MSHTAKIWA ALIMUUA MAWAZO EDSON MWAMPULE KWA KUMCHOMA KISU KIFUANI HIVYO
KUSHTAKIWA CHINI YA KIFUNGU CHA 195 CHA KANUNI YA ADHABU
WAKILI HUYO ALIENDELEA KUFAFANUA KUWA KATIKA KUTENDA KOSA HILO, PAMOJA
NA UGOMVI WAO KUAMLIWA NA MMILIKI WA KLABU YA POMBE ZA KIENYEJI BARAKA LAITONI,
WALITULIA KIDOGO NA KUJIVUTA PEMBENI AMBAKO UGOMVI ULIANZA TENA NA HUKO NDIKO ZILIKOSIKIKA SAUTI ZA MTU KUCHOMWA
KISU
UPANDE WA MASHTAKA ULIWASILISHA MAELEZO HAYO PAMOJA NA VIELELEZO VIWILI
VIKIWEMO TAARIFA YA DAKTARI WA HOSPITALI
YA MBOZI MISION YA UCHUNGUZI WA MWILI WA MAREHEMU NA RAMANI YA ENEO TUKIO LA MAUAJI LILIPOTOKEA
AWALI WAKILI SAMBWE SHITAMBALA ALIYEKUWA
ANAMTETEA MSHTAKIWA, ALIMWOMBA JAJI KUMBADILISHIA SHITAKA MTEJA WAKE KUTOKA KOSA
LA AWALI LA KUUA KWA KUKUSUDIA AMBALO MSHTAKIWA ALILIKANA NA AKAWA TAYARI KUKIRI
KOSA DOGO LA MAUAJI BILA KUKUSUDIA AMBAPO
WAKILI WA SERIKALI CATHERINE PAUL HAKUWA NA PINGAMIZI NALO NA HIVYO SHAURI HILO
LIKABADILISHWA
KUFUATIA KUKUBALIWA KWA MABADILIKO HAYO MSHATAKIWA ALISOMEWA SHTAKA LA
MAUAJI BILA KUKUSUDIA, JAJI ALIMHOJI MSHATAKIWA KAMA ANAKUBALIANA NA MAELEZO YA
WAKILI WA SERIKALI YA KUUA BILA KUKUSUDIA AMBAPO ALIYAKUBALI.
BAADA YA KUKIRI KOSA, JAJI ALIMTIA HATIANI NA HIVYO KUMTAKA WAKILI WAKE
KUTOA UTETEZI KAMA ANAO HATUA AMBAYO ILIFANYWA NA WAKILI SHITAMBALA AMBAYE
ALITAJA HOJA TANO ZA KUMWOMBA JAJI AMPUNGUZIE ADHABU ZIKIWEMO ZA KIPINDI
ALICHOKAA MSHTAKIWA MAHABUSU.
WAKILI SHITAMBALA ALIIELEZA MAHAKAMA KUWA MAREHEMU PIA ALITENGENEZA
MWENYEWE MAZINGIRA YA KIFO CHAKE KUTOKANA NA KUJIWEKA KWENYE MAZINGIRA YA ULEVI
NA UGOMVI HIVYO YAWEZEKANA PIA KUWA ISINGEKUWA KIFO YAWEZEKANA MAREHEMU MAWAZO
ANGEKUWA KIZIMBANI LEO HII WAKATI AMBAPO
MSHTAKIWA ANGEKUWA MAREHEMU!
NAYE MSHTAKIWA BAADA YA KUPEWA NAFASI NA JAJI AKITAKA KUJUA KAMA KUNA
LA NYONGEZA KWAKE, ALIMWELEZA “ MH JAJI NINA AFYA YA MGOGORO HIVI HAPA NINA
DAWA MFUKONI”
HIVYO ALIIOMBA MAHAKAMA IMFIKIRIE
KUMPUNGUZIA ADHABU KWAKUWA ANAENDELEA KUTUMIA DAWA NA AFYA YAKE SI NZURI
JAJI KATIKA HUKUMU YAKE AMESISITIZA KUWA VISINGIZIO VYA ULEVI KATIKA
KUTIMIZA DHAMIRA MBAYA DHIDI YA BINADAMU MWINGINE HAVIKUBALIKI KATIKA JAMII NA
KWAMBA MAHAKAMA NDIYO UWANJA PEKEE WA MAFUNZO KWA KUTOA ADHABU ITAKAYOMFANYA
MTU KUJUTIA KOSA ALILOLITENDA NA PIA KUWA DARASA KWA WENGINE WENYE NIA KAMA
HIZO
“NAKUHUKUMU UENDE JELA MIAKA 10 ILI IWE WEWE UBAO WA MAFUNZO KWA
WENGINE KWASABABU VITENDO KAMA ULIVYOVIFANYA WEWE NI VYA KIWANGO CHA KUPINDUKIA
AMBAVYO VINAHITAJI ADHABU KALI” ALIHITITIMISHA JAJI CHOCHA.