Na
Danny Tweve Mbozi
Mkuu wa wilaya Mbozi Dk MICHAEL KADEGHE
Mkuu
wa wilaya ya Mbozi Dr Michael Kadeghe amesema, msongamano wa mahabusu unatokana
na vitendo vya baadhi ya askari polisi kuwafungulia mashtaka yenye ugumu wa
dhamana makusudi ili kuwafanya wapate rushwa kubwa wakati wa hatua za
kubadilisha mashkataka hayo
Akizungumza
kwenye maadhimisho ya siku ya sheria wilayani Mbozi, Mkuu huyo wa wilaya
amesema katika ziara aliyoifanya katika gereza la Mbozi amebaini asilimia 90 ya
mahabusu walioko humo wana kesi ya ujambazi wa kutumia siraha na mauaji.
Alisema
katika mahojiano na watuhumiwa hao mmoja wao alimweleza kuwa alikuwa ameiba
simu mfukoni kwa mtu lakini akaandikiwa shtaka la ujambazi wa kutumia silaha
wakati mwingine alipewa kazi ya kumuua mzungu wakati hakujawahi tokea mauaji ya
mzungu katika eneo hilo.
Katika
ufafanuzi huo anaeleza kuwa polisi kutokana na kupewa nafasi ya kufungua
mashtaka wamekuwa wakitumia fulsa hizo kuwabambikiza kesi kubwa wananchi ili
wapate rushwa kubwa hali ambayo
inaathiri utawala wa sheria .
Alisema
kutokana na mfumo wa kesi za namna hizo ambazo nyingi zinakuwa hazina majalada
na hivyo kukosekana mwendelezo wakati wa kufuatilia kwenye mahakama zenye
mamlaka ya kusikiliza zimesababisha
watuhumiwa kubakia mahabusu kutokana na uwezo wa mahakama za chini kusikiliza
mashtaka ya namna hiyo.
“kuna
mtu nimemkuta amepewa kesi ya mauaji ya mzungu, lakini faili lake lenye
kesi ya namna hiyo halipo, lakini yupo
mahabusu, mwingine nimemkuta ana kesi ya wizi wa simu lakini ameongezewa shtaka
la ujambazi wa kutumia silaha ili tu
asiweze kuapata dhamana “ alifafanua Mkuu huyo wa wilaya Mbozi
Kwa
upande wake hakimu mfawidhi wa mahakama ya wilaya za Mbozi na Momba bwana Rahim
Mushi amesema licha ya mafanikio makubwa ya kupunguza msongamano wa mahabusu kwa
kuzitolea hukumu .
Akifafanua kwa takwimu hakimu Mushi amesema
mwaka 2010 kulikuwa na wafungwa na mahabusu 300 katika gereza la Mbozi lakini hadi kufikia decemba 30 mwaka huu wafungwa na mahabusu walioko
kwenye gereza hilo wamepungua hadi kufikia 180.
Hata
hivyo amekiri kuwepo changamoto ya
ongezeko la kesi za mauaji ambazo zimeendelea kufunguliwa na hivyo kusababisha
mikono ya mahakama ya wilaya kutokakuwa na uwezo wa kushughulikia kesi hizo na
kuendelea kuchangia msongamano wa mahabusu.
Alisema
ili kukabiliana na changamoto hiyo, mahakama inajipanga kutoa elimu kwa
wananchi ili kuwawezesha kufuata utawala wa sheria na kwamba kupitia uataratibu
huo matukio ya uhalifu yatapungua katika jamii.
Aidha
amepongeza hatua ya idara ya mahakama kuajiri mahakimu wakazi 6 ambao
watasambazwa katika mahakama za Mwanzo wilayani Mbozi, na kwamba hatua hiyo
itaachangia kupunguza mlundikano wa kesi katika mahakama hizo
Naye
mkuu wa wilaya ya Momba Abiud Saidea alilieza kukabiliwa na changamoto ya kesi
za mauaji ya ushirikina ambayo yamesababisha vifo vya watu wengi katika kipindi
cha mwishoni mwa mwaka jana na January mwaka huu.
Alisema
miongoni mwa hatua walizozihchukua ni pamoja na kufanya kampeni za kuwaelimisha
wananchi kuacha kutumia waganga wapiga ramli katika kushughulikia matatizo
yanayowakabili na badala yake kuzingatia mfumo rasmi wa kisheria uliopo katika
kuwasilisha malalamiko yao na hatimaye kuondokana na mauaji holela.
Alisema
vitendo hivyo vimeleta madhara makubwa na mifarakano katika jamii akitolea
tukio la vifo vya watu wawili katika kijiji cha Kalungu hivi karibuni ambapo
watu walizikwa wakiwa hai na kusababisha mifarakano katika jamii kutokana na
waganga wapiga ramli kuchochea hali hiyo.
mwisho
