KIMONDO YAWAPIGISHA KWATA WAPIGANAJI WA MLALE JKT, YAWABANJUA 2-1 KWAO

JKT MLALE HOII MBELE YA KIMONDO!!! YAAMBULIA TWO KWA MOJA!!!

Timu ya Kimondo SSC ya Mbozi imeendeleza ubabe tangu irejee nyanda za juu kusini baada ya kuibabua mabao 2-1 Timu ya Masoja ya Mlale Jkt katika uwanja wa majimaji Mjini Songea.

Ikicheza ugenini kwa kujiamini, Kimondo ilijikuta ainakubali kufungwa bao la mapema na kuwaamsha wenyeji Mlale JKT kwa kusherehekea dakika 30 za mwanzo

Kimondo iliamka kwa kasi na kuanza kupeleka mashambuzi kwenye lango la Mlale, ambapo mashambulizi hayo yalidumu kwa muda na kuwapatia bao la kusawazisha.
Kipindi cha Pili mchakamchaka wa Kimondo uliendelea na kuwawezesha kupata bao la pili na hadi mchezo unamalizika wenyeji wameondoka uwanjani wakiuguza maumivu ya kichapo kwenye uwanja wa nyumbani.
kwa mchezo wa leo Kimondo imefikisha pointi 11 ikiwa imeshinda michezo 4 na kufungwa 4 imeshinda magoli 10 na imefungwa mabao 8 ikipanda hadi nafasi ya nne kwenye kundi lao ambalo linaongozwa na timu za Majimaji na Friends Rangers zikifuatiwa na Lipuli na  Kurugenzi
Jumatano Kurugenzi itakuwa mgeni wa Kimondo kwenye uwanja wa CCM Vwawa kujiwinda katika michezo ya lala salama kabla duru la kwanza halijagonga ukingoni.  

LIGI DARAJA LA KWANZA, KIMONDO KWAO WAMOOOO

Kimondo ya Mbozi imezinduka kwenye uwanja wake wa Nyumbani baada ya kuifanyia mahaba African Sports ya Tanga mabao 2-0 kwenye mchezo wa ligi daraja la kwanza.

Mchezo huo wa katikati ya wiki ulifanyika uwanja wa CCM  Vwawa, ambapo mchaka mchaka wake ulionekana tangu kuanza kwa mchezo huo ambapo mabao mawili yalipatikana chini ya dakika 20 za kipindi cha kwanza.

Licha ya jitihada za African Sport ya Tanga kuonyesha jitihada binafsi za wachezaji wake, kuna wakati walipotezwa maboya kwa zaidi ya dakika 20 wakizungushwa kwa staili ya haingaisha bwege kutokana na gonga za hapa na pale za Kimondo

African Sport walipata nafasi mbili muhimu ambazo zingewapa ushindi mnono lakini wachezaji wake hawakuwa makini kutupia langoni kutokana na kuwa wazito kama wamefungiwa mawe miguuni.

Hata hivyo Kimondo inapaswa kujilaumu kwa kukosa nafasi nyingi zaidi ambazo zingeweza kubadili ubao wa magoli hata kusomeka 10-0 kama wachezaji wake wangeacha mambo ya "show game" na kurudhika na mabao mawili waliyokuwa wamepata.

Kutokana na matokeo hayo Majimaji ya Songea na Friends Rangers zinagombana kileleni zikiwa na Pointi 15, zikifuatiwa na Lipuli imefikisha pointi 13,Kimondo ikiruka kutoka nafasi ya saba hadi ya tano

Kumekuwepo malalamiko kwa timu wenyeji kutumia viwanja vyao vya nyumbani vibaya, mchezo unaolalamikiwa ni pamoja na Kimondo na Lipuli wiki iliyopita ambapo licha ya Kimondo kufungwa kwa miundombinu, mashabiki wa Iringa waliamua kuhamia Kimondo kuishangilia kutokana na kandanda saafi walillolionyesha licha ya kuminywa!
"Kuna wakati mlinzi wa Lipuli aliudaka mpira ndani ya penarti box, maajabu ya musa mwamuzi aliuchukua mpira kwenye eneo la penalti na kuutoa nje ya 18  hadi mashabiki  wa Lipuli wakaanza kuzomea baada ya makosa hayo kuwa  ya wazi mno!! anaeleza mmoja wa mashabiki walioshuhudia mchezo huo

UTEUZI WA WAKUU WA MIKOA

THE UNITED REPUBLIC OF TANZANIA
DIRECTORATE OF PRESIDENTIAL COMMUNICATIONS

Telegrams : "CABINET"
DAR ES SALAAM
Telephone : 2116898, 2116900/6
E-mail : chief@ikulu.go.tz
E-mail : ikulu@ikulu.go.tz
Fax : 2113425/2116914/2117272

PRESIDENT’S OFFICE,

THE STATE HOUSE,

1 BARACK OBAMA ROAD

11400 DAR ES SALAAM.

Rais wa Jamhuri ya Muungano wa Tanzania, Mheshimiwa Jakaya Mrisho Kikwete amefanya uteuzi wa wakuu wapya wanne wa Mikoa, amewahamisha wengine sita na ameamua kuwa wengine watatu watapangiwa kazi nyingine.

Taarifa iliyotolewa mjini Dodoma jioni ya leo, Jumatano, Novemba 5, 2014 na Katibu Mkuu Kiongozi, Balozi Ombeni Sefue inasema kuwa, Wakuu wapya wa Mikoa ni Bi. Halima Omari Dendego ambaye anakuwa Mkuu wa Mkoa wa Mtwara, Dkt. Ibrahim Hamisi Msengi ambaye anakuwa Mkuu wa Mkoa wa Katavi, Bi. Amina Juma Masenza ambaye anakuwa Mkuu wa Mkoa wa Iringa na Bwana John Vianney Mongella ambaye anakuwa Mkuu wa Mkoa wa Kagera.

Taarifa inasema kuwa kabla ya uteuzi wake Bi. Dendego alikuwa Mkuu wa Wilaya ya Tanga, Dkt. Msengi alikuwa  Mkuu wa Wilaya ya Moshi, Bi. Masenza alikuwa Mkuu wa Wilaya ya Ilemela na Bwana Mongella alikuwa Mkuu wa Wilaya ya Arusha.

Taarifa hiyo inasema kuwa Wakuu hao wapya wa Mikoa wataapishwa kesho, Alhamisi, Novemba 6, 2014 saa saba mchana, Ikulu, Dar es Salaam.

Aidha, taarifa hiyo imesema kuwa Wakuu wa Mikoa ambao watapangiwa kazi nyingine ni Kanali (Mst) Fabian Massawe wa Kagera, Dkt. Christine Ishengoma wa Iringa na Kanali Joseph Simbakalia wa Mtwara.

Wakuu wa Mikoa ambao wamehamishwa vituo vya kazi ni Bwana Magesa S. Mulongo ambaye anakwenda Mkoa wa Mwanza kutoka Arusha, Dkt. Rehema Nchimbi ambaye anakwenda Mkoa wa Njombe kutoka Dodoma, Bwana Ludovick John Mwananzila anakwenda Tabora kutoka Lindi, Kepteni (Mst) Anseri Msangi anayekwenda Mkoa wa Mara kutoka Njombe na Mhandisi Everist Ndikilo ambaye anakwenda Arusha kutoka Mwanza.

Wengine waliohamishwa ni Luteni (Mst) Chiku A.S. Galawa ambaye anakuwa Mkuu wa Mkoa wa Dodoma kutoka Tanga, Dkt. Rajab Rutengwe ambaye anakwenda Mkoa wa Tanga kutoka Katavi, Bi Fatma Mwasa ambaye anakuwa Mkuu wa Mkoa wa Geita kutoka Tabora na Bwana Magalula S. Magalula ambaye anahamishiwa Lindi kutoka Geita.

Taarifa hiyo imesema kuwa Wakuu wa Mikoa ya Dar es Salaam, Kigoma, Kilimanjaro, Manyara, Mbeya,Morogoro, Pwani, Rukwa, Shinyanga, Ruvuma, Singida na Simiyu watabakia kwenye vituo vyao vya sasa.

Aidha, Rais Kikwete amefanya uteuzi wa Wakuu wapya wa Wilaya, kuhamisha baadhi yao na kutengua uteuzi wa baadhi. Taarifa kamili itatolewa na Waziri Mkuu baada ya kuwa wamepangiwa vituo vya kazi.

Mwisho.
Imetolewa na;
Kurugenzi ya Mawasiliano ya Rais,
Ikulu – Dar es Salaam.
05 Novemba,2014

RAIS ATEUA MAKATIBU WAKUU NA KUHAMISHA WENGINE

THE UNITED REPUBLIC OF TANZANIA
DIRECTORATE OF PRESIDENTIAL COMMUNICATIONS

Telegrams : "CABINET"

DAR ES SALAAM

Telephone : 2116898, 2116900/6

E-mail : chief@ikulu.go.tz

E-mail : ikulu@ikulu.go.tz

Fax : 2113425/2116914/2117272

PRESIDENT’S OFFICE,

THE STATE HOUSE,

1 BARACK OBAMA ROAD

11400 DAR ES SALAAM.

Rais wa Jamhuri ya Muungano wa Tanzania, Mheshimiwa Jakaya Mrisho Kikwete amefanya uteuzi wa Makatibu Wakuu wa Wizara kwa kuteua Makatibu Wakuu wanne wapya na kuhamisha mmoja.

            Aidha, Rais Kikwete amefanya uteuzi na uhamisho wa Makatibu Tawala wa Mikoa.

Taarifa iliyotolewa mjini Dodoma jioni ya leo, Jumatano, Novemba 5, 2014 na Katibu Mkuu Kiongozi, Balozi Ombeni Sefue imesema kuwa walioteuliwa kuwa Makatibu Wakuu ni Dkt. Donan Mmbando ambaye anakuwa Katibu Mkuu wa Wizara ya Afya na Ustawi wa Jamii, Dkt. Yohana Budeba ambaye anakuwa Katibu Mkuu Wizara ya Maendeleo ya Mifugo na Uvuvi, Mhandisi Mbogo Futakamba kuwa Katibu Mkuu wa Wizara ya Maji na Dkt. Adelhelm James Meru ambaye anakuwa Katibu Mkuu wa Wizara ya Utalii na Maliasili.

Kabla ya uteuzi wake, Dkt Mmbando alikuwa Mganga Mkuu wa Serikali, Dkt. Budeba alikuwa Naibu Katibu Mkuu wa Wizara ya Maendeleo ya Uvuvi na Mifugo, Mhandisi Futakamba alikuwa Naibu Katibu Mkuu, Wizara ya Maji na Dkt. Meru alikuwa Mkurugenzi Mkuu, Mamlaka ya Maeneo Maalum ya Uwekezaji kwa Mauzo ya Nje (EPZA).

Aidha, taarifa hiyo imesema kuwa Rais Kikwete amemhamisha Bibi Maimuna Tarishi kutoka Wizara ya Maliasili na Utalii kwenda kuwa Katibu Mkuu wa Wizara ya Katiba na Sheria

Kuhusu uteuzi na uhamisho wa Makatibu Tawala wa Mikoa, Rais Kikwete amemteua Bw. Charles Pallangyo, Katibu Mkuu wa Wizara ya Afya na Ustawi wa Jamii kuwa Katibu Tawala wa Mkoa wa Geita, Bw. Adoh Steven Mapunda, Mkurugenzi Mtendaji, Manispaa ya Bukoba kuwa Katibu Tawala wa Mkoa wa Arusha, Bw. Severine Kahitwa, Katibu Tawala wa Mkoa wa Geita kuwa Katibu Tawala wa Mkoa wa Kilimanjaro na Dkt. Faisal Issa, Katibu Tawala wa Mkoa wa Kilimanjaro kuwa Katibu Tawala wa Mkoa wa Mwanza.

Wakati huo huo, Rais Kikwete amemteua Kanali (Mst) Joseph Simbakalia, Mkuu wa Mkoa wa Mtwara, kuwa Mkurugenzi Mkuu wa EPZA.

Uteuzi huo unaanza leo na Makatibu Wakuu na Makatibu Tawala wa Mikoa wataapishwa kesho, Alhamisi, Novemba 6, 2014, Ikulu, Dar es Salaam.

Mwisho.

Imetolewa na;
Kurugenzi ya Mawasiliano ya Rais,
Ikulu – Dar es Salaam.
05 Novemba,2014

MAKOCHA 35 KUSHIRIKI KOZI YA LESENI C YA CAF

Tanzania Football Federation Affiliated to FIFA, CAF and CECAFA 3rd Floor, PPF Tower, Garden Avenue / Ohio Street P.O.  Box  1574, Dar es  Salaam, Tanzania     .    Telefax:   + 255-22-2861815 E-mail: tanfootball@tff.or.tz     .    Website: www.tff.or.tz

Release No. 168

TAARIFA KWA VYOMBO VYA HABARI

Oktoba 31, 2014

MAKOCHA 35 KUSHIRIKI KOZI YA LESENI C YA CAF

Makocha 35 wameteuliwa kushiriki kozi ya ukocha ya Leseni C ya Shirikisho la Mpira wa Miguu Afrika (CAF) itakayofanyika mjini Morogoro kuanzia Novemba 5 hadi 19 mwaka huu.

Kozi hiyo itaendeshwa na Mkufunzi wa CAF, Sunday Kayuni na itafanyikia Mchikichini College ambapo washiriki wote wanatakiwa kuwasilisha vyeti vyao vya ukocha vya ngazi ya Kati (Intermediate) pamoja na vyeti vya kitaaluma vya elimu ya sekondari (academic).

Washiriki wa kozi hiyo ni Abdulmaliki Nemes (Airport FC), Ahmed Haule (Kilimanjaro Talented Youth Sports Centre), Ally Jangalu (Moro Kids), Amri Saidi (Mwadui FC), Athuman Kambi (Morogoro), Charles Mwakambaya (Burkina Faso FC),  Damian Mussa (Alliance One) na Daudi Sichinga (Kasulu United).

Denis Maneva (Shule ya Msingi Logo), Edgar Juvenary (JUT- Mlale), Hamisi Mangolosho (Shule ya Msingi Mtimbwilimbwili), Henry Ngondo (Chalinze Academy), Issa Hamisi (Polisi Kilimanjaro), Jumanne Chale (Dar es Salaam), Kizito Mbano (Masasi Alliance), Martin Saanya (Magereza Morogoro) na Masoud Gumbwa (Sokoine University Academy).

Mbwana Makata (Oljoro JKT), Mrage Kabange (Kagera Sugar), Muhibu Muhibu (Stand United FC), Nsubuga Solomon (Kishoto FC), Nyamtimba Muga (Kizuka Secondary), Oscar Mirambo (Makongo), Rashid Abdallah (Tech Fort Academy), Renatus Shija (Rhino Rangers), Safari Nyerere (Elimu Sports Academy) na Said Lyakuka (Kizuka Stars).

Simeon Mwesa (Mtibwa Sugar U20), Simon Shija (Tabora), Suleiman Mtungwe (Ruvu Shooting), Swalehe Allawi Abdul (Alliance Academy), Yasin Bashiri (Kick Off Sports Academy) na Zuberi Katwila (Mtibwa Sugar).

Wakati huo huo, kutakuwa na kozi ya wiki mbili ya ukocha ya ngazi ya Kati (Intermediate) itakayofanyika jijini Dar es Salaam kuanzia Desemba 29 mwaka huu.

Makocha wote wanaotaka kushiriki kozi hiyo wanatakiwa kutuma maombi katika Chama cha Makocha wa Mpira wa Miguu Tanzania (TAFCA).

IMETOLEWA NA SHIRIKISHO LA MPIRA WA MIGUU TANZANIA (TFF)

CHAMA CHA MPIRA WA MIGUU CHA ZAMBIA CHAIJIA JUU TIMU YA WANAWAKE YA TAIFA

PRESS STATEMENT.

October 28, 2014

POSITION ON THE "SHEPOLOPOLO".

The Football Association of Zambia has noted with dismay the high level of indiscipline exhibited by the Senior Zambia National Women’s Soccer team after their elimination from the 2014 Africa Women’s Championships in Namibia.

This kind of behavior where a group of young ladies want to hold the Association to ransom is alien to football and cannot be tolerated and condoned.

Never in the recent past has the Association been made to fulfill so many international fixtures and tournaments as has been the case, the last two years, beginning with the qualification of the Under 17 women’s team to the Junior World Women’s Championships in Costa Rica. This was followed by the qualification of the Senior Women’s Team to their maiden Africa Women Championships in Namibia. And then came the qualification of the boys Under 17 and 20 teams to the Africa Youth Championships to be held in early 2015. This is besides the numerous local training camps for the local national team that are costing the Association dearly.

These fixtures and tournaments have taken a heavy toll on the Association’s finance base which has resulted in many sacrifices being made especially with regard to meeting costs for its various sub-committee meetings and other pertinent needs.

The Under 17 and 20 boys teams have both qualified to their respective 2015 African Youth Championship finals with little or nothing from the Association but pride and dedication to duty. The players from these two teams have not held the Association to ransom despite only getting their FIFA approved stipends from the Football Association of Zambia.

It must be further stated that the Association does not receive any form of financial assistance and support from the Government to fulfill programs both for the women and boys junior national teams. FAZ relies on the resources realized from sponsorships and gate revenue from International matches by the Senior National Team to meet these international fixtures.

It has been the resolve of the Association that neglecting junior and women’s programs will negate and impact negatively on the performance of the Senior National Team which is the torch bearer of Zambian football.
In must be emphasized that FAZ has sacrificed a lot of its time and resources to ensure that women and junior national programs are fulfilled, even to the extent of depleting the Association’s resources to the barest minimum.

There are so many players and officials who have sacrificed for this country who have never displayed this callous disregard for authority.
In this regard, The Football Association of Zambia will be taking steps to address issues of the women national football teams going forward.

George M Kasengele
GENERAL SECRETARY.

KOZI YA MAKOCHA YAANZA LEO

Release No. 164

TAARIFA KWA VYOMBO VYA HABARI

Oktoba 23, 2014

RAIS WA TOC KUFUNGA KOZI YA MAKOCHA

Rais wa Kamati ya Olimpiki Tanzania (TOC) Gulam Rashid kesho (Oktoba 24 mwaka huu) atafunga kozi ya makocha ya Leseni C ya Shirikisho la Mpira wa Miguu Afrika (CAF).

Hafla ya ufungaji kozi hiyo iliyoshirikisha makocha 32 kutoka Tanzania Bara na Zanzibar na kuandaliwa na TOC kupitia Olympic Solidarity kwa ushirikiano na Shirikisho la Mpira wa Miguu Tanzania (TFF) itafanyika saa 5 asubuhi kwenye hosteli za TFF zilizopo Uwanja wa Karume, Dar es Salaam.

Kozi hiyo ya wiki mbili iliyoanza Oktoba 12 mwaka huu iliendeshwa na Mkufunzi wa Shirikisho la Kimataifa la Mpira wa Miguu (FIFA) Ulric Mathiot kutoka Shelisheli.

Makocha walioshiriki kozi hiyo ni Ahmed Suleiman Simba (Alliance), Akida Saidi (Lindi), Ally Bushir Mahmoud (Zanzibar), Aloyce Akwilin (Pwani), Amin Rashid Mdowe (Zanzibar), Augustino Dakto Damian (Katavi), Athuman Bilal (Shinyanga), Bakari Shime (Tanga), Charles Mayaya (Shinyanga) na Choki Abeid (Geita).

Wengine ni Edna Lema (Morogoro), George Melchior (Kagera), Godfrey Kapufi (Katavi), Hamis Mabo (Kigoma), Hawa Bajangero (TWFA), Ibrahim Mulumba (Geita), Jemedari Said (TAFCA), Kenny Mwaisabula (TAFCA), Madenge S. Omari (Mara), Milambo Camil (Tabora) na Mohamed D (Ruvuma).

Pia wapo Mohamed Ismail Laiser (Manyara), Mohamed Muya (Dodoma), Ngawina Ngawina (Mtwara), Nicholas Kiondo (Ilala), Osuri Charles Kosuri (Simiyu), Rachel Palangyo (TWFA), Salvatory Edward (Temeke), Seif Bausi Nassor (Zanzibar), Yusuf Macho (Kigoma), Wilfred Mollel (Iringa) na Zacharia Mgambwa (Rukwa).

Makocha watakaofaulu kozi hiyo watapewa Leseni C za CAF wakati watakaoshindwa watapewa vyeti vya ushiriki tu.  

IMETOLEWA NA SHIRIKISHO LA MPIRA WA MIGUU TANZANIA (TFF)

HATIMAYE KIMONDO IMESALIMU AMRI MBELE YA TESSEMA, NI BAADA YA MCHEZO KURUDIWA

Na Mwandishi wetu,
Licha ya kupigana kiume, Kimondo imemaliza dakika 20 za kiporo cha mchezo wa jana ikiwa nyuma ya bao 1 lililofungwa jana  wakati ikicheza na TESSEMA ya Manispaa Kinondoni.

Katika mchezo huo wa kumalizia dakika 20 uliochezwa kuanzia saa 4.30 asubuhi umemalizika kwa kosa kosa nyingi ambazo TESSEMA watakuwa wachoyo wa fadhira kama siyo kumshukuru kipa wa timu yao  Hashimu Nzota ambaye ameokoa michomo mfululizo ipatayo mitano.

Licha ya Kimondo kubadili mchezo mara kwa mara katika dakika 20 ambapo walipiga kambi langoni mwa TESSEMA kwa takribani dakika 14 za mchezo, wakati wote mlinda mlango aliendelea kuwa kikwazo kutokana  na uwezo wake kutokea mipira na kupangua majalo za umbali zilizoagiziwa kufuta matokeo ya jana.

Kwa matokeo hayo TESSEMA inaondoka mkoani ikiwa na pointi 3 za ugenini huku Kimondo ikianza safari za ugenini ikiwa na pointi 6 magoli 4 ya kufunga na 1 la kufungwa.

MCHEZO WA KIMONDO NA KMC AMA TESSEMA WAVUNJIKA, NI BAADA YA UWANJA KUJAA MAJI

Kikosi cha TESSEMA  au Kinondoni Municipal Council kilichoshuka dimbani uwanja wa CCM Vwawa

Timu ya Kimondo ambayo marudio ya mchezo huo kesho wanapaswa kuyatumia vyema

waamuzi wa mchezo huo wakiwa na team captains wa timu zote mbili

Shabiki wa Kimondo akiogelea kwenye madimbwi ya uwanja huo baada ya mchezo kusimamishwa kutokana na maji kujaa

Meza ya mwamuzi ikiwa inaelea kwenye maji

Uwanja wa CCM Vwawa ukiwa umejaa maji

Mwendo wa Madimbwi uwanjani

Kamisaa wa mchezo huo Tinyendera akizungumza na viongozi wa timu zote kukubaliana kurejewa kwa mchezo huo hapo kesho majira ya saa nne asubuhi

  
NA MWANDISHI WA INDABA AFRICA
Mchezo wa ligi daraja la kwanza baina ta TESSEMA na Kimondo uliofanyika uwanja wa Vwawa CCM Mbozi umevunjia dakika ya 74 baada ya mvua kubwa iliyoanza kunyesha dakika ya 55 kuharibu starehe ya mchezo kwa kujaza maji uwanjani

Mchezo huo umevunjika TESSEMA ikiwa mbele kwa bao moja lililofungwa na Moris Katumbo mnamo dakika ya 52 baada ya kumegewa pande zuri kutoka wingi ya kushoto lililosukumwa na Shabani Juma. Goli hili lilitokana na uzembe wa mmoja wa wachezaji wa Kimondo kuacha mpira akilalamikia mchezo mbaya uliofanywa na Ramadhan Choki, baada ya kona iliyopigwa na Mpoki Tauson wa Kimondo kuokolewa na walinzi wa TESSEMA.

Kosa hilo ambalo mwamuzi wa mchezo huo Hasan Abdalah  hakuliona liliwagharimu Kimondo baada ya kupenyezwa mpira mbele na kumkuta Shaban Juma ambaye alichungulia na kumtupia mfungaji.

Kwa ujumla kosa kosa nyingi kwa upande wa Kimondo zingeweza kuzaa lulu ya mabao katika mchezo huo, hata hivyo TESSEMA watapaswa kuwapongeza walinzi wao ambao walikuwa vidume kukabili mashambulizi ya wenyeji.

Kulingana na taratibu za TFF kwenye kanuni za ligi hiyo mchezo huo utaendelezwa  hapo kesho majira ya saa nne asubuhi kwakuwa dakika hazikuzidi 16.

Kanuni za TFF kwaajili ya ligi daraja la kwanza kifungu cha 3.(6) Kinaeleza kuwa  " Iwapo  mchezo  ulishaanza  na kuvunjika  kwa  sababu  ya  matukio  ya  dharura  yasiyotarajiwa wala kusababishwa na timu husika, utapangwa kurudiwa kwa muda  uliosalia,  magoli  yaliyofungwa na kadi zilizoonyeshwa  katika  mchezo huo zitaendelea kuhesabika".

Kwamazingira hayo Kesho kimondo inatakiwa kuyatumia mazingira hayo kuweka vyema rekodi yake ya uwanja wa nyumbani kwa kuhakikisha inapata mabao mawili katika kipindi cha dakika 15 ili kuondoa dosari ya bao moja walilolala nao jioni hii dhidi ya TESSEMA

ASHANTI MAJANGA" YAAMBULIA KICHAPO CHA 2 KAVU KUTOKA KIMONDO

Kikosi cha ASHANTI kilichoshuka dimbani dhidi ya Kimondo na kuambulia kichapo cha 2 Oclock

Hii ndiyo sumu ya Ashanti al maarufu kama Kimondo KISSC iliyoshuka jioni ya leo na kutoka na ushindi wa mabao matakatifu 2-0

Benchi la Kimondo

 Na Danny Tweve wa Indaba Africa,

 Ikicheza uwanja wake wa nyumbani Kimondo SSC ya Mbozi imeendelea kutunisha msuri kwa timu za maji ya chumvi , mara hii kwa kuibatua Ashanti United  mabao 2-0  kwenye mchezo wa ligi daraja la kwanza uliofanyika uwanja  wa  CCM Vwawa.

Hadi mapumziko , si Kimondo wala Ashanti walikuwa wamechungulia nyavu za timu pinzani licha ya Kimondo kukosa mabao matatu ya wazi katika gonga zilizochezwa kwenye lango la ASHANTI lakini papara za wachezaji wake ziliiharibu mabao hayo.

Kipindi cha pili kilianza kwa mabadiliko ya mfulizo yaliyofanywa na kocha wa timu ya Ashanti ambayo yaliongeza uhai na mashambuzi, gonga na viminyo vya hapa na pale, hata hivyo michezo ya kimjini mjini –zikiwemo rafu za hapa na pale, vipepsi na janja janja ziliwagharimu Ashanti  kwa wachezaji wake wawili kupewa kadi za njano kwa kuwajeruhi wachezaji wa kimondo ambao mmoja alishindwa kuendelea na mchezo.

Mnamo dakika ya 72 Kimondo kupitia kwa Michael  Mwailusu Bosco   baada  ya kutokea gonga nikugonge langoni mwa ASHANTI kufuatia kona iliyopigwa na Mshaki Simbeye

Dakika ya 89 Kimondo walitupia msumari wa moto langoni mwa Ashanti ulioenda moja kwa moja wavuni bila mlindamlango kuuona mpira ulioanzia wingi ya kushoto , bao lililofungwa na Geofrey Mwashuya ambaye katika mchezo huo alionekana wazi kuwa hatakuwa na timu ya Kimondo kwenye dirisha dogo la usajiri kutokana na  kiwango chake kuendelea kuvutia timu nyingi za ligi kuu.

Ama kwa upande wa mashabiki, burudani ya mchezo wa leo iliongezewa chachandu baada ya mashabiki wa  Mbeya City kukodi mabasi mawili kuja kuipa sapoti Kimondo ya Mbozi hali ambayo iliufanya uwanja ulindime kwa shamra shamra na mbwebwe za mashabiki hao.

Mchezo wa leo uliochezeshwa na mwamuzi Kinugani kutoka Morogoro akisaidiwa na Alphaxad Mteta kutoka Ruvuma, Cheyo kutoka songea , Kefa kayombo kutoka mbeya ulikuwa chini ya kamisaa  Zahra Mohamed mwamuzi wa siku nyingi wa michezo ya kimataifa.