SUMATRA YAJITOSA KUINGILIA USAFIRI WA KWABABU LOLIONDO

MAMLAKA ya Usafiri wa Nchi Kavu na Majini, (Sumatra), imeanza kutoa leseni za muda kwa magari ya kusafirisha abiria yaendayo kijiji cha Samunge, Loliondo, kwa Mchungaji Ambilikile Mwasapila.
Hatua hiyo imechukuliwa kufuatia hitaji kubwa la wasafiri wanaendao kwa mchungaji huyo mstaafu.

Sumatra mkoani Arusha imechukua uamuzi huo ili kuweza kuweza kudhibiti bei stahiki ya nauli ya halali ya kuelekea huko kutokana na ongezeko la wimbi la magari yanayojitokeza kufanya ruti hiyo

Hata hivyo Sumatra haitakataza wanaojitolea kufanya ruti hizokwa kuwa suala hilo limeonekana kuwa ni la dharura .

Hivyo kufuatia hatua hiyo wamiliki wa magari yaendayo huko watalazimika kukata leseni hizo ili haki ya abiriana kanuni za usafirishaji uweze kuchukuliwa wka kuwa wamiliki hao wanajiongezea nauli watakavyo

“Hii itasaidia kupunguza nauli walizopandisha kiholela” alisema

Hata hivyo ilidaiwa kuwa katika ruti hiyo kuna jumla ya mabasi sita tu yaliyosajiliwa kihalali yanayoambulika Sumatra.

Nauli halali ya iliyopangwa na Sumatra kutoka Arusha kwenda Loliondo ni Shilingi elfu kumi na saba tu 17,000/= ya kitanzania lakini kwa hivi sasa hivi imepanda maradufu kutokana na ongezeko la abioria kuelekea huko na kufikia hadi Shilingi laki moja 100,000 hadi laki moja na nusu kutegemea na bei anayoitaka mmiliki wa gari